Upload
Login Register

Layihə çərçivəsində məktəblilər tarixi abidələrlə tanış edilib

SUBSCRIBE
Subscribe updates
Next video will start in 10 seconds
Share
August 12, 2017
417
EMBED:
URL:

Choose player size

  • px
  • px
  • Embed old code
1 - Like
0 - Dislike

"Qürur" Şəhid Ailələri Xeyriyyə ictimai birliyi, Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə dəstəyi ilə "Təmas xəttində yaşayan qaçqın və məcburi köçkün ailələrindən olan məktəblilərin tarixi abidələrə turlarının təşkili" layihəsini həyata keçirir.
Bu barədə QHT TV-yə məlumat verən "Qürur" Şəhid Ailələri Xeyriyyə ictimai birliyinin sədri Naibə Behbudova bildirib ki, layihə əsas məqsədi təmas xəttində yaşayan və təhsil alan məktəblilərin yay tətili dövründə istirahətinin təşkili və onların Bakı şəhərində yerləşən tarixi abidələr ilə tanışlığına şərait yaratmaqdan ibarədir.

Layihə çərçivəsində ictimai birlik, məktəblilər üçün xüsusi geyimlər – üzərində Azərbaycan Respublikasının Prezidenti yanında QHT-lərə Dövlət Dəstəyi Şurasının və "QÜRUR" Şəhid Ailələri Xeyriyyə ictimai birliyinin loqaları olan, baner, köynəklər, papaqlar və çantalar hazırlamışdır.
Layihə çərçivəsində avqustun 1-dən 4-dək Ağdam və Tərtər rayonlarının təmas xəttində yaşayan qaçqın və məcburi köçkün ailələrindən olan 15 məktəbli, Bakı şəhərinə təşkil olunan ekskursiyada iştirak edərək tarixi abidələrlə tanış olmuşlar.

Məktəblilər avqustun 1-də Heydər Əliyev Mərkəzi ilə yaxından tanış oldular.
Səhəri gün – avqustun 2-də şagirdlər ilk öncə Ümummilli lider Heydər Əliyevin məzarını və Şəhidlər Xiyabanı ziyarət ediblər. Daha sonra Bayraq Meydanı ilə tanış olublar.
Günün sonunda məktəblilər “İçəri Şəhər”dəki tarixi abidələri bələdçi vasitəsilə, gəzərək abidələrlə yaxından tanış olublar.
Növbəti gün ekskursiya iştirakçıları Atəşgahda olublar. Burada bələdçilər məktəblilərə abidənin tarixi haqqında geniş informasiyalar veriblər.

Nahardan sonra məktəblilər dənizkənarı bulvarda istirahət etdilər.
Məktəblilər avqustun 4-də Ağdam rayonuna yola düşüblər.

Show more